𝔀𝓲𝓷𝓽𝓮𝓻

فجأة كده تسرح مع نفسك وتاخد بالك أنك بقالك فتره ولا مبسوط ولا مرتاح بس اهو بتعدي ايامك

من المثير للسخرية أن بعض المواقف لا نفهمها ونحن نعيشها؛ نفهمها لاحقًا، حين يهدأ كل شيء ونرى حجم الأذى الذي كنا بداخله.

ممكن تكون محتاج تفضفض علشان زهقت من السكوت،بس لو محتاج تتكلم علشان حد يقولك تعمل ايه تبقا بتكدب ع نفسك لانك عارف كويس الصح و الغلط وموضوعك مش محتاج اكتر من قعدة مع نفسك.اقعد مع نفسك وقرر ومتفكرش في كل حاجه في نفس الوقت،فكر وحده وحده،انت عارف الصح بس بتوهم نفسك ومن كتر الوهم هتوه.

انسحب من اى علاقة مؤذية علاقة انت الطرف الى بيدى ويفضل يزيد فى العطاء رغم عدم وجود تقدير بطل تحب حد اكتر من نفسك بطل تسامح كفايه تبقى الطرف المضمون ! حب نفسك وساعد نفسك انك تبقي ناجح .....

حد هنا ملاحظ عدم وجودي لسنة كامله ؟

المواقف بتديلك الاجابات بكل وضوح ف متتغباش انت بقي

☕🖤☕🖤

الجرح لو من غريب 🖤✨

أوقات بمشي وأنا بسأل نفسي ليه ؟ ليه الزمن والظروف مكانتش حنينة عليا ليه

_

لو عندك مشكلة نفسية، تعبان ومحتاج تحكي، عندك مشاكل في بيتكم، في خلافات بينك وبين أهلك، عايز تتكلم ومش لاقي حد، اوعي تترد تدخل تكلمني وتحكيلي وتفضفض تأكد إني هسمعك بكل حب ومش هسيبك غير لما تبقى بخير وكل حاجة هسمعها منك تأكد إنك بعد م تقفل معايا إنك مكلمتنيش و إني معرفكش، هذا الحساب بكل حب يحتوى كل ما هو وحيد يعاني من أي شيء أو أي اضطرابات نفسية فـصاحب هذا الحساب دومًا ما يُعاني فأصبح يدرك أهمية المشاركة و الإستماع والإحتواء فلا تترد أبدًا..هسبلكم الرابط بتاعي تحت عشان تعرفوا تبعتولي ف اي وقت ♥ @majecano  ✨👈

اللهم أغفر لي .

_

🖤

لا زلت أؤمن أنني لا أصلح للحياة،وأن وجودي هنا خطأ فادح.هذا المكان لا أحمل له أي انتماء حقيقي،وكل ما يربطني بهذه البلد خانة صغيرة في بطاقتي الشخصية.هؤلاء الذين يظنون أنهم يعرفون كل شيء عني،في الحقيقة، لا يعرفون عني شيئًا.دائمًا أتساءل:هل أميل إلى الحب أم إلى العشاق.؟على أي حال، أنا لا أصلح له إطلاقًا.هل أنا شخصية من بقايا الماضي.؟لا أعرف… لا أعرف.ربما أنا فقط عالقة في حياة لم أعرف يومًا كيف أنتمي إليها

أقسم بالله أقصى طموحي إن الحياة تبطل تختبر قدرتي على التحمّل كل شوية

آه، وثقت في ناس غلط، استحملت فوق طاقتي، سكت في وقت كان لازم أتكلم، وادّيت فرص كتير لناس مكانوش يستاهلوا فرصة واحدة.بس كل ده علّمني.علّمني إن مش كل اللي بحبه يستاهل أتمسك بيه، وإن السكوت مش دايمًا حكمة، وإن خسارة بعض الناس مكسب، وإن أهم شخص لازم أخاف أخسره هو نفسي

مرهق جدًا إن الإنسان يفضل صابر وهو مش عارف هو بيصبر لحد إمتى كل يوم بيبدأ بمحاولة جديدة، وكل ليلة بينتهي وهو بيحاول يقنع نفسه إن لسه شوية، رغم إنه أصلًا مش عارف الشوية دول قد إيه

اسمحولي أقولكم نصيحة قبل ما انام عن حاجة اتعلمتها في الحياة دي بعد كذا تجربة خضتهاالناس مهما عملت مش هيبطلوا كلام عنك محدش هيتفق عليك، محدش بيتفق على حداختلفوا على الإله واختلفوا على الرسول انت مين بقا عشان يتفقوا عليك ؟وعشان كدا امشي بمبدأ لا يضرك مدح المادحين ولا ذم الذامينوزي ما المثل بيقول ( القافلة تسير والكلاب تعوي )يعني كبر دماغك وعيش حياتك طالما معملتش حاجة فيها معصية والناس مبتنفعش ولا بتضر النافع والضار سبحانه عز وجل انت ولا حاجة ولا تقدر تعمل حاجة بغير أمره سبحانه وتعالى ف عيش الحياة بالمبدأ ده هترتاح كتير بإذن الله

نظريًا : المفترض إن التغافل ده شيء لطيف بيساعد البشر يبقوا على الود مع بعض وعلاقاتهم تطول لأبعد مدى.عمليًا : الواقع بيثبت كل يوم بأدهش الطرق .. أن التغافل هو أكتر شيء بيغري البشر لاستغفالك باعتبارك مغفل أصيل، وحتى اللي الاستغفال مش طبعهم، هييجوا عندك ويجربوا فيك إنه يبقى طبع أصيل عندهم.وبين نظريًا وعمليًا بيبقى الواحد مش عارف يروح فين؟ يدي البشر على دماغهم لحظة بلحظة؟ ولا يتغافل وياخد هو على دماغه؟

كنت طفلًا غبيًا، يثق في مصدرِ أذاه وينزع عن نفسه رداء الغضب باعتذار أو بدون، يقف أحيانًا أمام نظراتهم خَجِلًا وبدون وعي يُقرَّ بأفعال لم يرتكبها لينال مغفرةً زائفة، صحبةً زائلة وجروحَ طويلة الأمد...كنت طفلًا غبيًا يُرهق نفسه بالركض إلى تلك الأماكن التي رفضته، ويرى أن الإنسان لا قيمة له إلا بمحاولته لاقتناص ما يريد ولم يدرِ يومًا أن هنالك أشياء - رُغم محبتنا لها - يجب علينا نسيان طرقها وإلا ابتلعتنا الحُفر المتناثرة على جوانبها..كنت طفلًا غبيا وكَبرت فلم أجد في نفسي رغبةً سوى في اعتزال كل شيء؛ لأنني لم أعثر أبدًا في ذاكرتي على مشهدٍ يمنحني القدرة على الثبات أمام براكين رأسي التي ومنذ ثارت لم تخمد إلى الآن

واحشني احس اني مرتاح ، مرتاح ذهنيًا وعصبيًا وجسديًامرتاح فعلًا، مش بمثل إني مرتاح

مستحيل أنسى أي مجهود بيتعمل عشاني أو حتى محاولة، عمري ما بنسى وبفضل شايلها للشخص ده طول عمري. ومهما هو نسي أنا مش بنسى، لأن فكرة إن حد يحاول يعمل أي حاجه عشانك دي ما تتنسيش العمر كله حتى لو حاجة بسيطة..وحقيقي أنا هفضل طول عمري عندي امتنان وشكر لأي حد حاول إنه يتعب شوية عشان يحاول يبسطني، حتى لو مجرد محاولة، هتفضل طول العمر في قلبي وفي عيني وعمري ما هنسى مهما حصل

من أشكال النضج إنك لما تختار ما بين الإنتظار أو النسيان تختار النسيان عشان متبقاش متعلق بحاجة أنت مش عارف هتحصل وهتوصلها ولا لا وعشان الإنتظار وقت طويل مرهق ومتعب

أنا لا أجيد المشاركة؛ أحزن بمفردي، أفرح بمفردي، أصمت لنفسي، أعاتب نفسي، أفضفض مع نفسي، لا أجيد المشاركة، وأشعر أنها مهمة ثقيلة لست قادرًا عليها، وهذا الأمر لا يفهمه البعض...

كل ما زادت جوانب الحياة اللي معشتهاشكل ما خوفك من الموت بقى أكبر !!مشاعر اتأجلت، وأحلام متعاشتش، ونسخة منك كانت مستنية تعيش وقرارات فضلت واقفة مكانها ..يمكن إحنا مش بنخاف من الموت…قد ما بنخاف ييجي قبل ما نعيش الحياة اللي كانت تستحق تتعاش اللي بيخوفنا إن النهاية تيجي، وإحنا لسه مؤجلين الحياة

facebook.com/share/v/1Fzf6HLuL4/%E2%9C%A8…

معظم التصرفات الغريبة اللِّي بنعملها ومحدش بيفهمها، بتبقي في الأصل ردود أفعال كتمناها وما طلعتش في وقتها الصح

الواحد محتاج ساعات يهدّي وما يجريش ورا الحاجات، يبعد عن أي علاقة بتأذيه، ويهدي شوية في العطاء اللِّي بيبقى من غير مقابل!يقف يبص على أصحابه من بعيد، يشوف مين اللِّي فعلاً فارق معاه غيابه ومين ما حسش بيه أصلاً..يعرف مين السند اللِّي يتسند عليه، ومين مجرد زحمة في يومه وبياخد مساحة على الفاضييحدد مين بيسحب طاقته ومشاعره ومين اللي العلاقات معاه محتاجة مجهود يعصر صحته عشان تتكملحتى طموحاته وأحلامه، المفروض ينقي منها الحاجة اللِّي يقدر يوصلها بأقل كمية وجعلازم الواحد يهدي اللّعب شوية ويعيد حساباته في الدنيا..يتقبل إنه عادي يتنسى أو يتساب، وإن في ناس مش شبههّ ولا ينفعوا معاهيقتنع إن في أحلام ما تستاهلش كل العناء ده ويدور على أهداف جديدة تستاهل الجري والمجازفة، وأمنيات تانية مش هتحصل لأنها مكنتش مناسبة ليه من الأساسالهدوء ده بالذات هو اللِّي بيخليك تخرج منه شخص تاني خالص

محدش بيتعافى تمامًا من وجع الخذلان؛ حتى لو أتعوضت بناس يستاهلوا الثقة وعن أصلبيفضل في صوت واطي جواك بيهمسّلك ويقولك: بكرة كل ده هيخلص والكل هيمشي..الصوت ده بالذات محدش بيسمعه ولا بيحس بيه غيرك أنت بس

طول ما في إمكانك تخلص مصلحتك بنفسك، بلاش تجر رجل حد معاك وأي مشوار تقدر تقضيه بطولك، روحه لوحدكحتى المواقف الصعبة، طالما فيك حيل تشيلها، ما تستناش دعم أو سند من مخلوقربنا سبحانه هو الغنيّ، فاعمل بنصيبك من اسم ربنا الغني واستغني بيه عن الناسامسح دموعك بإيدك، وطبطب أنت على حالك وداوي روحك بنفسك..صدقني؛ وقتها بس هترتاح وتريح بالك وتريح الناس معاك

حوار سينمائي- انا اللي ملخبطني إني مش عارف ايه الصح وايه الغلط.. انا اسمعهم بيقولوا كل واحد بيخطط مستقبله ويبني نفسه.. طيب انا مستعد.. حد يدلني حد ينورلي سكة. أنا مستعد أكسر حجارة الجبل بس تطلع حاجة حلوة. حاجة حلوة امسكها بايديا وابقي فرحان بيها واللي حواليا فرحانين بيها.( أحمد زكي - مستر كاراتيه)

ربنا يرجع كل واحد تايه لحياةُ .. حياةُ إللى كان عالأقل مرتاح فيها وبيقدر يحاول تانى بعد فشل كل مرة لحد ما قلبهُ وعقلهُ شدوا الستارة على عنيه وقدروا يقنعوا إن دى النهاية

فى ناس حسب مزاجهُموناس الكدب دائهُموناس الكبر ساقهُموناس الخوف ماسكهُموناس الليل حبيبهُموناس بكرة عيدهُموناس كنت معاهدهُم عمرهم ما يسيبوا أيدهم وطلعت أنت إللى ساب فى ناس للحب تمشىوناس متتفِهمشىوناس كلامها فانشى وناس على ناس تهونشىكلهم دلوقتى نامواأنت الوحيد منامشى فى ناس عالخير من بدرىوناس ما لسه بدرىوناس قلمها واكرى وناس حافظة مكرى وناس واجبها (شكرى)فى ناس للذكرى قاعدةوناس للفكرة واقفة اليوم يموت بحسرةاليوم يموت ببكرةفى ناس للشر تجرىوناس من ناس بتجرى وناس ماشية دُغرىوناس عرض مُغرىلناس فلوسها تخفىضعف الانتصابفى ناس التراب حاضنهاوناس ناسية طينهاوناس زعلت منهاوناس زهقت منها عشان ناس فوق جيبنها (ممنوع الاقتراب) !(فى ناس)

وها أنا الآن يا عزيزي، لا أعلم أنا في أول الطريق، أم في منتصفه، أم أنني وصلت إلى نهايته دون أن أشعر.أقف في مكاني، أحدّق في الطرق كلها، ولا أعرف أيها كُتب لي، وأيها عليّ أن أتركه خلفي.لم أعد أعلم ماذا أريد، ولا إلى أين ينبغي أن أخطو، وكأنني أسير بلا وجهة، أقطع الأيام وهي تقطع مني شيئًا لا أستطيع وصفه.لم أعد أشعر بشيء كما كنت من قبل؛ لا فرح يدهشني، ولا حزن يهزني، فقط هدوء غريب يشبه الفراغ.أشعر وكأنني أصبحت فارغًا من الداخل، كمدينة غادرها أهلها وبقيت شوارعها صامتة، لا يملؤها سوى الصدى.أخشى أن يكون أكثر ما يؤلمني أنني لم أعد أبحث عن إجابة، بل أصبحت أخاف أن أجدها، فأكتشف أنني أضعت من عمري أكثر مما كنت أظن.ورغم ذلك... ما زال هناك جزء صغير في داخلي يؤمن أن الشمس لا تشرق عبثًا، وأن لكل روح أنهكها الطريق صباحًا يستحق الانتظار.-رُقـيّـه أمـيّـر

_